Zyrtarët e lartë deklarojnë pasurinë

22:25 | 5 Mars 2018
Arbresh.info

Çdo vit, zyrtarë të lartë publikë i nënshtrohen procesit të deklarimit të pasurisë.
Deklarimi i pasurisë së tyre bëhet në Agjencinë Kundër Korrupsionit.

Këtë vit deklarimi i pasurisë ka filluar më 1 mars. Për pesë ditë, deklarimin e pasurisë e kanë bërë 40 zyrtarë të lartë publikë.

Kështu ka bërë të ditur Agjencia Kundër Korrupsionit.

“Nga përvojat e kaluara kemi praktika jo të mira, për shkak se shumica e zyrtarëve te lartë publik i lejojnë vetes komoditet që këtë obligim ta kryejnë në ditët e fundit të afatit, e pastaj po krijohen rreshta të gjatë dhe pritje të panevojshme dhe koha nuk po na lejon për t’i këshilluar për çështje të caktuara lidhur me deklarimin”, ka thënë AKK për Gazetën Monitor.

“Deri me tani e kanë deklaruar pasurin rreth 40 zyrtar te lartë publik”, ka bërë të ditur AKK.

Afati i fundit për deklarimin e pasurisë është deri më 31 mars 2018. Deklarimin e pasurisë duhet ta bëjnë 4774 zyrtarë të lartë publik.

Shpërndaje në rrjete sociale

Lajmet më të lexuara

Të ngjashme

Foto lajm